精靈比人感覺有一種悲傷感!精靈在何時出現的‥.
只活在童話中?咁精靈悲傷些什麼呢?
我本身好鐘意精靈這個名詞的!
精靈悲傷的感覺有時都幾似我架∼ 
但我又唔認同精靈是悲傷的!
精靈應該是沒有煩惱、傷心...
精靈應該是快樂、無憂無濾的...
係一種幸福、愛的感覺!



夢一般的我~可以有夢一般的愛情嗎~
我可以像精靈一樣~沒有煩惱、沒有優傷、沒有傷痛嗎?
我可以像精靈一樣~幸福、快樂、開心、永沒煩惱嗎?
我只想你給我幸福、關壞、愛...
可能我真是太貪心了...





旋轉木馬


旋轉木馬一直轉一直轉...愛情好像旋轉木馬一樣...轉丫轉丫...轉唔停∼有時你坐在旋木馬上,你會看見某些人,但亦會什麼人也不會見到,但無人會知道幾時會停下來...有些人轉一次出口已經出現、有些人轉了數個圈先發現出口、但也有人一直轉一直轉也看不見出口...而我的出口已經出現了~我再也不用坐在旋轉木馬上~不停轉...

♫*.。* ♧♡精靈世界♡♧·°*

2008年4月15日 晴天

免費

~"~病左成個星期都未好返...
之前睇醫生食果d藥藥...食晒都無用wo...
咁就今日4點幾收工工去睇醫生...
今日老公放假假...放左工之後就落左荃灣...
陪老公食kfc 啦...之後就去左荃豐睇醫生喇...
我地5點幾去到...但已經好多人...
=.=家下真係多人病病喇...
等到成7點先有得睇...
睇完醫生拎藥藥的時候...個護士話唔洗收錢...
@@呆左...不過既然佢話唔收...我當然唔問咁多啦...
佢比左張單我睇...唔知咩藍十字保險果d...
=.=?我幾時有買保險我唔知架~kaka
是旦啦...幾百蚊架wo...

之後就同老公出左mk陪老公買衫衫^o^
買ma粥粥返屋企食^o^~
食飽飽左之後就好似隻懶豬咁啦...
跟住老公就係到扭計=.=
話我掛住打psp唔理佢wo...哎唷...
之後未就係睇睇下電視訓著左囉~




2008年4月14日 晴天

.."唔應該問?

今日收工之後就係葵芳等老公收工...
之後同ma老公朋友仔食飯...
咁佢地係到傾計...食飽飽就走人喇...
今晚我又無啦啦係到問老公...
點解成日聽佢講之前成日一個人去邊去邊咁...
咁我奇怪丫ma...就走去問老公啦...
點知好似鈎起老公唔知d咩野咁wo...
我都知道果d野已經係過去左架啦...
而且又係未識我之前既事...
咁我聽落去就無咩野咁囉...
但我覺得老公好似都會因住事已唔開心...
點解會咁啦...老公講左句...
係佢之前果個唔識珍惜佢...
其實我都感覺到果時老公都係好錫之前果個的...
唔知點解...見到老公個表情...我唔多開心咁...
但又係自己鈎起老公回憶的=.=真係衰...
過左去...算唔好唸...我唔應該問的...
訓覺...但老公訓唔著...唔知佢點解=.=



2008年4月13日 晴天

豬...

呢幾日可能病病的關係...成日訓...
今日又訓到11點幾先起身...
起左身之後...就係到執野...
將喬喬比我袋紅白藍執出來...
原來裡面勁多野...咁就執出來放入箱先啦...
又發現裡面仲有一大袋衫衫...
仲有條裙仔tim...@@唔通喬喬當契仔係女仔...
比契仔著裙仔...kaka~
之後叫醒老公起身...出去荃灣同奶奶飲茶...
再去左荷花買左d野=.=又唔見3百幾...
買完野就返屋企...食左碗豆腐花...
之後訓覺...又訓到9點幾...起身睇電視...
拖下地...再叫醒老公食野...
睇下電視...點幾又訓過...
真係成隻豬咁...

2008年4月12日 晴天

掉d錢落來比我啦~

今日星期6...因為有証要簽所以今日返左公司
放工工之後就同細妹去左新都會...
食法國自助餐...估唔到d野比想像中好味~
個意粉同粥粥真係正...都算多野食~
但又唔係好貴...中等價錢啦~
75蚊位~可以由12:30食到17:00~都ok~
之後就行街街...=.=當然我又勁洗錢錢啦~
只係交上網費同電話費都交左差不多700蚊...
之後自己又買左d衫衫褲褲丫...
今日又用左千幾蚊喇~=0=
家下d錢錢真係話咁快丫...
唉...

2008年4月8日 晴天

Pizza

今日返工工...2個老闆睇法又唔同...
一個叫我咁...一個叫我唔好咁...
=.=你地2個傾店數先啦~唔該...
雖然我明佢地各有不同唸法...
2個講的都有佢地道理...
但都唔好難為做細架MA...

今日好想食PIZZA~星期2低食D...
等老公收工之後就叫左個餐食啦~
勁丫~我地2個人食晒個大芝心批~
原本想試新果個~不過又好似唔係咁低食咁~
但呢個都唔錯~正唷

2008年4月3日 晴天

木糠布甸蛋糕

今日心血來潮...突然想整蛋糕食wo...
咁就上網睇啦...唸起有一日老公帶我去沙田食果個木糠布甸
咁就想試下整喇~卡卡
睇落材料都唔係多...好似好易咁...
咁就放工工落左荃灣買材料整喇^o^

不過唔知係我笨手笨腳丫...
整d餅碎都整左成晚...整到11點幾老公返來我都未整完...
點知老公就幫我手...幾個字就比老公整碎d餅餅=.=
等我仲壓左成晚tim...之後未整d忌廉啦...
第一次打忌廉...一路打就一路話...有無可能打到企身丫...
d忌廉咁水...好似d奶奶咁...打到手都軟嘛丫...
@v@好彩終於比我打到好似d雪糕咁~kaka~叻叻
之後就一層一層咁整喇~
kaka~整到2點幾唷~
不過見到完成就勁開心心...
雪一晚就食得~個外表都ok啦...
內裡就未知喇~kakaka





2008年4月2日 晴天

好累唷

今日好累勁眼訓丫~
唸住去左媽咪屋企之後,就返屋企訓...
咁就放工工出左mk拎相相先...
點知細妹就捉左媽咪=.=+
咁就拎完相相之後就出去銅鑼灣搵佢地食晚飯~
我地去左漢和食野啦...
今日先知道原來媽咪好鐘意食三文魚...
佢仲食左勁多丫...佢話食咁多三文魚~一定返晒本wo...
真係唔知道原來媽咪都食魚生的...呢個女真失敗...卡卡
跟住老公收工工就出來搵我地...
咁我地都差不多食飽飽喇...咁我就話同老公去食其他野...
點知媽咪就話我...叫我唔好成日蝦個老公=.=
我邊有wo...咁老公上來勁快速咁食到好飽飽...
未就係媽咪不停咁燒野比老公食囉...
老公都無郁過手燒~kaka
食飽飽已經10點幾喇...
之後就返深水步...搵我張出世紙喇...
搞到11點幾先走...
所以今晚都係勁夜訓唷=.=+

2008年4月1日 晴天

食飯飯~

今日收工工出左去mk~
同小月行左陣街街~之後去食飯飯~
呵呵~係勁耐無同小月去行街街睇衫衫喇~
之後未又係嘛煩佢地送我返屋企企囉~haha

2008年4月1日 晴天

嬲唔嬲...

密碼保謢:

2008年3月30日 晴天

打邊邊...

今日出左去觀塘幫媽咪手執野...
雖然我係坐ma一邊得個睇字kakaka...
幫手果個未就係老公囉~卡卡...
媽咪租左間鋪頭比人...所以佢都終於有得休息下喇...
有時都幾擔心佢...成日話呢到痛果到唔舒服~唉
但我又無能力幫到佢...又無能力養佢呢...

之後就去左深水步打邊邊...
都幾多野食下...不過就貴左d...
食到勁飽飽丫...都好小同媽咪打邊邊...
見到佢成晚都笑住~都幾好架^^
其實媽咪未又係普通人一個...
都想人地鍚佢...關心下佢...










Page 5 / 46

第一頁  上一頁  1 2 3 4 5 6 7 8 9 10 11 12 13 14 15 16 17 18 19 20   下一頁  最後一頁