精靈比人感覺有一種悲傷感!精靈在何時出現的‥.
只活在童話中?咁精靈悲傷些什麼呢?
我本身好鐘意精靈這個名詞的!
精靈悲傷的感覺有時都幾似我架∼ 
但我又唔認同精靈是悲傷的!
精靈應該是沒有煩惱、傷心...
精靈應該是快樂、無憂無濾的...
係一種幸福、愛的感覺!



夢一般的我~可以有夢一般的愛情嗎~
我可以像精靈一樣~沒有煩惱、沒有優傷、沒有傷痛嗎?
我可以像精靈一樣~幸福、快樂、開心、永沒煩惱嗎?
我只想你給我幸福、關壞、愛...
可能我真是太貪心了...





旋轉木馬


旋轉木馬一直轉一直轉...愛情好像旋轉木馬一樣...轉丫轉丫...轉唔停∼有時你坐在旋木馬上,你會看見某些人,但亦會什麼人也不會見到,但無人會知道幾時會停下來...有些人轉一次出口已經出現、有些人轉了數個圈先發現出口、但也有人一直轉一直轉也看不見出口...而我的出口已經出現了~我再也不用坐在旋轉木馬上~不停轉...

♫*.。* ♧♡精靈世界♡♧·°*

2007年7月29日 晴天

.."咩事WO...激死我喇

真係比我丫媽激死喇.\"/.
又係到叫我試下同佢朋友個仔拍拖...
真係比佢吹帳...人地鐘意我唔鐘意丫MA...
好恐怖架...食飯都拎住本鬼咁厚的書...
真正的書虫...=.=救命...
仲要比我丫媽話我~唔拍拖係到仲咩...
話我係到做老姑婆...邊有丫媽咁架...
迫個女去拍拖都有架...就來激死我=.=

我好明白一個道理...你揀人...人揀你...
有時D野無得勉強...丫媽...你明唔明架...
近日都係避開下先得...一陣又話我老姑婆...
一陣又要我同個書虫出街...真係想死...
避開下好D~KAKAKAKAKA








2007年7月28日 晴天

失望...

無估錯...今日返到公司...好多野要做...
我老闆張昨日d野好整齊清楚咁放晒係我桌上...
不過..'都係一樣...我今早返來做...
今日返到去...好整齊...哈哈...
我老闆又幫我執寫字樓喇...卡卡~
佢真係得閒...呢d老闆邊到搵丫...
只會叫你執...自己點會落手架...

之後出左mk搵maymay一齊出巴士
去西灣~去左我朋友仔間鋪到買硬碟機...
雖然遠d...不過平好多wo...都低返啦^(oo)^v
之後我地就去左灣仔動漫展喇^^
好彩義仔帶我地入去咋...如果唔係就...
排隊都排到暈丫~"~咁多人囉...
今次真係好失望...無咩野睇...
唔夠上年多野睇...失望...
我地係到睇人玩勁舞...之後義仔收工工...
就落左來找我地喇...之後又係就左去睇跳舞...
因為...根本就無咩好睇...
而且我真係好累累...所以7點幾就走喇...
之後我地3個居然走左去7仔到...
食魚蛋...腸粉燒賣...卡卡...
之後磨到差不多9點就走喇...
好累...今日真係好累...





2007年7月27日 晴天

又衰左喇

=0=今日又曳曳無返工工喇...
唉...懶到死...
今早起身勁頭痛...痛到爆丫>"<
太耐無飲酒酒喇...一飲就出事...
唉...今日電話又係無停過...
仲要有麻煩野>"<忙左一朝...
想訓多陣都唔得...
我老闆對我真係好好, 一句說話都無話我^^
.."真是有點兒不好意思...
下午d電話...靜左好多喇...
d客終於放過我喇...=.=
之後我玩玩下nds就訓左喇...
訓左一陣...電話又響...但我又唔想聽=.=
起左身之後就拎返幅2000塊砌圖出來砌~
呵呵~今日有maymay的幫手終於完成喇^o^
勁開心心~呵呵~
不過...幅砌圖小左塊...要去補返喇=.=










2007年7月26日 晴天

..

今日收工工後...約左maymay
落左深水涉...搵丫聰...
佢話陪我去買個外置硬碟機...
0.0落到去...原來丫安都係到...
我好耐無見佢地喇^^
我唸都有成年...對上果次係06年中秋節
因為果次我喊得好厲害...咁岩丫聰又失戀...
佢地成班係大排檔開解我地...
計計手指都識左佢地7年喇^^"
原來咁耐^^哈哈~
最後都係無買硬碟機...因為價錢差太遠喇...
之後上左maymay娘家...等maymay朋友仔
之後佢就車左我地去火炭食飯飯喇^o^
佢地傻架...開得勁快快囉...
2架車車係到賽車咁囉...
原本都係唸住食飽飽就返屋企...
點知又比佢地捉左我去佐敦飲酒酒=.=
.."我都唔知有幾耐無飲喇...
今晚估唔到...不過無所謂啦~haha~
飲到點幾...就唸住走啦...
點知...有路障放左係佢地架車車前面=.=
shift...吹波波一定死緊...
只好等佢地走啦...等到2點幾佢地終於走喇^^"
佢地話就好快速咁開車車去我家喇^^"
kaka~我好似好衰咁唔理佢地...
好快速咁訓著左...kaka...
可能太耐無飲...飲小小都貓左...
傻架>"<







2007年7月26日 晴天

又傻左...

唉...今晚又做錯左喇...
一飲酒酒就出事...
原本唸住有d野可以收得埋...
由佢過去的...但偏偏自己又做唔到...
好蠢...其實我都怕會連朋友都無得做...
有時我又會係到唸無所謂啦...
多一個唔多小一個唔小...
好矛盾...不過我都知道好多野唔到我去選擇...
所以唸咁多都無用...順奇自然啦...
呢樣野我明白架wo...
但自己d性格又鬼死咁衰...
有d咩都收唔埋...要講...
咁未又煩到人...點解改唔到呢d性格架>"<
其實我今晚都幾開心心架...
因為同一個人傾電話...仲要傾左一段時間^o^
識佢一段時間了...呢個係最長的一個電話...
不過我知道我又煩到人喇...我真係好無用...
明明已經唔比自己煩人架啦...
仲咩仲要咁丫...低b架>"<
唔好煩人啦~好唔好丫~
人地已經表明唔鐘意架啦...
就唔好煩人啦...死心啦...

其實我都係一個好易鐘意人的人...
但一鐘意人就好執著...
有d野明明知道...無可能...都要咁...
我係唔係傻架...成日要搞到自己唔開心...
低b架...我唔應該...我唔應該去鐘意一個人
我應該要怕...掉左幾次...我應該要怕...
唔好咁執著啦...好唔好丫...










2007年7月25日 晴天

醉翁之意不在酒

今日一像好此好多野做咁=.=
好多INVOICE要打...好多單要對...
好好野做...又係好多電話...
唸起要開始整台灣果D文件...
真係想死=.=又來喇...唉...
今日收到個消息...美國佬8月頭來..
今次仲新聞都有講=.=使唔使咁大陣杖丫...
年年都來2~3次架啦...
我唸今次大把廠死喇=.=...
美國單...又要停晒...
雖然公司好少接美國單...多數都係歐洲...
但唔多唔小都會影響到...麻煩~"~

今日收工工落左荃灣...未隻手鐲又斷左=.=
又拎返去間銀鋪到整...免費保養WO~
整完之後就坐車車返屋企喇^^"
今晚又好似好悶...可能...
算啦...就算佢有ONLINE...
都無野同我講架啦...
果句野幾好用...醉翁之意不在酒...

2007年7月24日 晴天

不好意思*(oo)*

好奇怪...真係好奇怪...
識得耐未必會幫你...
但識左唔係好耐...就無要求地幫你.."
其實我都唔係咁明點解架...

今日好多野做...好似無停過咁=.=
收工工之後就同左個朋友仔食飯飯...
呢個朋友仔好特別...
我有d咩唔明佢會答到我...
我有d咩問題佢亦都會幫我...
有時我都唔好意思...
識左呢個朋友仔短短時間...
佢已經幫左我唔少野...
仲要係無要求...唔會比說話你聽...
亦唔會講d好表面既野...
相反...一個你以為佢會幫你...
當時講得多麼的漂亮...多麼的動聽...
但結果也是講又一件事...而做又係另一件事...
我都唔明點解...







2007年7月23日 晴天

好眼訓...

今日好累...好眼訓...
可能昨日玩左成日啦...
今日有點兒唔想返工工架...
不過我最終都係返左工工...
因為太多野做喇*(OO)*
真係無估計錯囉...D電話一直響...
D客樣樣都話急~"~吹帳
放左工之後就去左油麻地返學學...
原本已經我會係咁中眼訓...
點知又無WO...可能今日個丫SIR講書無咁悶掛...
開始驚驚地...因為個考試用英文...
死得啦>"<我連題目都唔識睇...考咩姐...
我D英文真係呢...唉...
返到屋企都差不多11點喇~今日真係好累丫...
但次次都係返到屋企又唔訓WO
都唔知係到搞咩...傻架>"<



2007年7月23日 晴天

怪怪的*(OO)*

密碼保謢:

2007年7月22日 晴天

健康的一天^o^正丫

今日好早起左身喇^o^
8點幾小月就打比我叫我起身身...
我好快手咁洗白白...換衫衫出發喇^^
今日去黃金海岸玩水水唷^o^
我都唔記得有幾多年無玩水...
因為我都唔識游水*(oo)*
入到去都10點喇^^個太陽好曬...
d沙沙勁熱丫...真係可以煎蛋蛋...
d水水...一d都唔清~仲好多垃圾~kaka
小月個丫衣一家人都有來~佢地仲一早來左...
霸左個唔會曬的地方...正丫^o^
小月知我唔識游水...帶左隻鴨鴨水泡比我~
卡卡...好可愛架...我地玩到4點幾就走人喇^^
小月同細康一樣車返我返屋企...haha~
成日要佢地車我...真是有點兒不好意思~"~

今日真係玩得好開心丫^o^
係好耐無試過玩得咁開心...咁健康^^"
可能我會喜歡上沙灘這活動^^
不過都要有人陪我去玩先得^^"

今日曬黑左丫>"<
唉我本身個人好難白...今日仲曬黑左tim
@v@用返d漂白水漂一漂唔豬得唔得呢~
不過唔知點解...定係心理作用...
游完水水之後d皮膚好似怪怪的...
唔多舒服的感覺...
不過點都好~今日玩得咁開心心~咩都值得~
呵呵^(oo)^v



Page 18 / 46

第一頁  上一頁  1 2 3 4 5 6 7 8 9 10 11 12 13 14 15 16 17 18 19 20   下一頁  最後一頁