精靈比人感覺有一種悲傷感!精靈在何時出現的‥.
只活在童話中?咁精靈悲傷些什麼呢?
我本身好鐘意精靈這個名詞的!
精靈悲傷的感覺有時都幾似我架∼ 
但我又唔認同精靈是悲傷的!
精靈應該是沒有煩惱、傷心...
精靈應該是快樂、無憂無濾的...
係一種幸福、愛的感覺!



夢一般的我~可以有夢一般的愛情嗎~
我可以像精靈一樣~沒有煩惱、沒有優傷、沒有傷痛嗎?
我可以像精靈一樣~幸福、快樂、開心、永沒煩惱嗎?
我只想你給我幸福、關壞、愛...
可能我真是太貪心了...





旋轉木馬


旋轉木馬一直轉一直轉...愛情好像旋轉木馬一樣...轉丫轉丫...轉唔停∼有時你坐在旋木馬上,你會看見某些人,但亦會什麼人也不會見到,但無人會知道幾時會停下來...有些人轉一次出口已經出現、有些人轉了數個圈先發現出口、但也有人一直轉一直轉也看不見出口...而我的出口已經出現了~我再也不用坐在旋轉木馬上~不停轉...

♫*.。* ♧♡精靈世界♡♧·°*

2008年12月9日 晴天

結婚周年




話咁快就一年喇~同老公結婚已經一年了^o^
雖然今日不是太特別咁過,但對我來說已經好開心心了~
今日老公收工後回來接我去意粉屋到食芝士火鍋^o^
d野食麻麻地~"~價錢又貴wo!pizza hut好食過佢...
不過好彩d芝士無令我失望^^仲食到好飽飽tim!
仲之只係叫個火鍋啦~又係食唔晒!
之後我地就行街街~哈哈~係行青衣城wo!
因為我呢個懶人唔想去咁遠!
老公都問我呢個日子都只係行青衣城,我會唔會唔開心!
其實我又點會唔開心呢,地方又係我簡既!
最重要係老公同我一齊ma^o^


結婚都有一年喇!老公同我講~
話我地兩個一齊果種感覺好似識左好耐咁,
但比人感覺我地又唔似兩公婆wo!
卡卡~我地仲係好似剛剛拍拖的情侶咁!
都幾好架!仲有幾廿個年要一齊過架wo!呵呵

雖然我同老公識左唔係好耐,就已經結婚!
但我地大家都好珍惜段婚姻!
緣份!^3^



2008年10月31日 晴天

好蠢~真係好蠢

我真係蠢到無人有...
豬都無我咁蠢丫~害到身邊的家人身邊的朋友~

今日同老公,三叔和大伯去左警局...
未就係因為我太蠢了~
現在我都唔知點算好...
雖然佢地一句說話都無比我聽...
但咁樣仲令都我唔好意思...仲好不安...
老公仲反過來氹我...
今晚係警局搞到半夜4點...
搞到佢地無得訓...佢地仲要返工...考試...
最嚴重既...係我令到佢地唔見左八萬幾蚊...
家下都唔知點算好...
我真係好驚...好怕...大拿拿八萬幾丫...
都唔明點算我會咁蠢架......
白痴無腦到咁...
我都唔知點嘔返筆錢出來......
希望可以拆到d交易...
點解要搞單咁大穫既野出來丫>"<
八萬幾蚊丫.................


2008年9月23日 晴天

發晒毛毛喇~

哈哈~喬喬講得無錯...個日記發晒毛~
你時候掃一掃~haha
近日我忙咩...話忙又唔係忙...
有d野搞緊咁啦^^"
近日搞緊個ddung網站...
唸住上網拍賣下野咁啦^o^
搞店晒一定通知大家~呵呵
到時多多支持唷^o^
我唸9月尾~ok架喇~
因為貨都訂左了^^呵呵
真係要多謝老公的支持~
仲有喬喬意見~
當然仲有恩恩啦^^
如果唔係佢玩呢隻公仔...我又點發現到呢^o^
ddung個樣實在太可愛喇~呵呵
希望成功啦^o^v

2008年8月19日 晴天

老公生日快樂

今日老公生日唷...
不過老公都係要返工工架...
但就6點幾就收工工~
之後我地就去左葵芳雪國到食晚餐...
d野都唔錯架~一定好味過味千先~
之後就去左睇戲戲~
套戲都幾好睇~老公知我鐘意睇這類戲~
呵呵~今年我都無送生日禮物比老公~
只係整左個好似磚頭的蛋糕...
但我知道老公唔會嬲我的~呵呵

老公生日快樂唷^3^

2008年8月18日 晴天

古古力蛋糕

今日一早起身身...
因為今日想整蛋糕比老公食...
點知...打忌廉的時候...打到出晒水~
唉...我當然第一時間搵個師傅(小月)求救啦~
第一次失敗左...再打第二次忌廉...
原本都好好地架...點知加左d古古力同魚膠粉...
又開始出水wo~"~
唔理喇...照整......
不過都係失敗左...
老公話好似磚頭咁...好硬...
我落得太多魚膠粉喇~唉...
下次再加油吧...



2008年8月17日 晴天

海鮮餐~

今日訓到12點幾起身~
原本老公d朋友話來睇囝囝...
點知話唔來~@@唔通佢地知道要做白老鼠...
3點幾叫醒左老公...唸住落荃灣買送送~
落到去都成5點喇~
咁老公同我都未食野...就去左餐廳食個下午茶...
之後就買送送喇...今後奶奶佢地來食飯...
咁我地就買左蟹蟹,蝦蝦,叉燒等等...
今晚我第一次整加喱炒蟹...
入口甜甜地之後就好辣...
要再改良下先得~"~
之後煮左茄汁蝦...芝士火腿炸魚...
叉燒炒蛋...同通菜...
都幾豐富下kaka...煮到我出晒汁...
當老公生日禮物架喇~haha~



2008年8月16日 晴天

又出去玩喇~

今晚又掉底左丫囝...
出左mk飲酒酒^^"
老公10左右收工工之後就坐的士回來...
接我出去...我地接ma華仔先出mk...
個的士司機好搞野囉...
我地係的士等華仔的時候...比個司機趕左落車車...
話唔等wo...佢錶又照跳...等一下人都唔得~"~

今日老公班朋友提早同老公慶祝生日...
都有十幾人~哈哈...
我地都玩得幾開心...之後老公又同五仔吹水...
佢2個真係好多野傾(又係公司野)...
出來玩都唔忘公司d野...哈哈~
佢地玩玩下仲同格離枱果型鬼佬一齊玩...
玩到差不多4點先走人丫...
好眼訓tim~返到屋企第一時間當然望下嵐嵐豬啦~
見佢訓得好淋...之後我同老公都覺豬豬喇~呵呵



2008年8月13日 晴天

=.=考試~

今日去左葵涌見工工...
現在搵份野做真係好難...好似過5關斬6將咁...
之前見果份又係要text...今次又要...
今次仲誇張...做左4個測驗...
每一項測驗都要限時=.=又要配對...
又要寫booking from...又要寫e-mail...仲要打字
做晒d測驗先有人來見你...
見完...點知...明天又要見第2次~
=.=搵食姐...洗唔洗咁高要求丫...
加油吧.....

2008年8月6日 晴天

8號風球

今日又打風丫~
老公又多一日時間陪我地喇~
呵呵~不過明天做死老公都似~"~
今日我好乖咁無嘈醒老公...比佢訓到3點幾...
haha~其實中間都有嘈住佢架~
之後我地落街市買送打邊邊...
食得好飽飽丫~呵呵

老公近日工作上有d煩腦...
因為有人話想比個倉老公管...
叫佢出去博...不過就同一時間個倉又搵佢個同事wo~
都幾煩下...又要搵一班人幫手...
呢個都係一個機會...但就有一定風險...
唔夠安定...老公好煩惱...
不過無論點都好啦~
我一定會支持老公架^^加油唷

2008年8月5日 晴天

豐富的一天~

今日老公休息丫~
今日訓左點幾先起身身~
起身之後就洗白白叫老公起身喇~
我地今日要去睇戲戲唷~
仲坐的士去...都睇唔到片頭tim~"~
我地今日去左睇盜墓迷城3~唔錯幾好睇~
睇完戲戲之後我地就趕返屋企企喇~
老公就整返張床...因為2條木都爛左~
(老公真係好似萬能咁...咩都識整)
我就執野...同嵐嵐豬換衫衫~
之後又走左出葵芳喇~
因為今日媽咪生日...我地要同佢食飯飯~
媽咪佢把左2圍...媽咪果2位好朋友都有來...
佢地抱住嵐嵐都唔捨得放手~
不過老公就唔鐘意比隻牛牛抱...
唉~我都明白架...講真我都唔係咁鐘意...
但媽咪佢又...成日抱住嵐嵐之後就比左隻牛抱喇...
唉~我地明白媽咪都好為難...
但...比佢抱左陣之後~我就抱返嵐嵐喇...
老公講得岩既...佢要人地尊重佢...佢都要尊重人先係...
今日媽咪生日...佢地著到好似睡衣咁來食飯...
唉...無得講...
算...唔講佢喇~

今日真係好開心~因為好耐無同老公睇戲...
而且昨晚同老公傾計傾到半夜5點幾...
真係天光先訓...傾左好多好多野~
老公現在講之前果個女朋友d野...
我已經無以前的醋意~
因為家下佢係我老公ma
kaka~

Page 1 / 46

第一頁  上一頁    1 2 3 4 5 6 7 8 9 10 11 12 13 14 15 16 17 18 19 20   下一頁  最後一頁